Search

有人寫字

The Writing People

Tag

鍾樹森

【禛森話】「我謹以至誠,接受學校之委派⋯⋯」

作者:鍾樹森

我謹以至誠-43

九月中某一晚上,家中傳來兒子朗朗上口的聲音:「我謹以至誠,接受學校之委派,擔任風紀員,以服務同學,幫助建立良好校風為職責,對人有禮,對己約束,處事公正,盡忠負責。」我聽到的時候,立時跟他說:「你今年做風紀員喎!呢堆字係咪要背?」

「咩呢堆字,呢個係風紀員誓詞!」兒子正色跟我說。

「Sorry! Sorry! 係我用字不當,咁你背得到未?」

「差不多啦!遲啲要一齊宣讀誓詞,仲要有步操添呀!」兒子認真地說。 Continue reading “【禛森話】「我謹以至誠,接受學校之委派⋯⋯」”

Advertisements

【禛森話】「你知唔知你係度摧毀緊我嘅童年呀?」  

作者:鍾樹森

童年-36

自從兒子入學以來,我家不知不覺在每年暑期都會為兒子的房間來個大執拾,因為平時為處理他的課業已沒有甚麼空間,唯有留待暑假執拾一下吧!今年暑假之後兒子升讀小四,我見他要升高小了,也應該為自己多負一點責任。我在七月初的時候就向他發出指示,請他在暑假開始時重整房間的書櫃,把沒用的東西扔掉、有用但不合用的分出來給他人、有用又愛看的留下來。 Continue reading “【禛森話】「你知唔知你係度摧毀緊我嘅童年呀?」  “

【禛森話】「爸爸,我係永遠唔會忘記超人迪加嫁!」

作者:鍾樹森

超人-30

暑假的一個晚上,兒子興高采烈地跟我說:「爸爸,我係永遠唔會忘記超人迪加(Ultraman Tiga)嫁!我大個仔之後,會係香港起個島畀GUTS*做基地,基地裡面有兩張床,一張畀我,另一張畀我最好嘅朋友。我要整一個可以變成超人迪加嘅變身器畀自己,同埋整一個可以成為超人佳亞(Ultraman Gaia)嘅變身器畀我最好嘅朋友。」 Continue reading “【禛森話】「爸爸,我係永遠唔會忘記超人迪加嫁!」”

【禛森話】「原來郭靖學到降龍十八掌係因為『七叔公』佢為食雞蘿柚喎!」

作者:鍾樹森

射鵰-27.png

若你一看這句說話,就能夠立刻笑出來,相信你應該對金庸先生的《射鵰英雄傳》有一定程度的認識了。事緣近日電視台又播放《射鵰英雄傳》(我早已數不清是第幾套了),我家雖然沒有追看,但兒子回到學校也聽同學們說了不少關於這套戲,就正如早前他忽然唱起《陪著你走》,也是因同學看電視後回校分享之故。 Continue reading “【禛森話】「原來郭靖學到降龍十八掌係因為『七叔公』佢為食雞蘿柚喎!」”

【禛森話】「你記唔記得你嗰次為左我大鬧XYZ(某長輩)呀!」   

作者:鍾樹森牧師

你記唔記得

五月尾的日子,又快到兒子學校考試季節。我這類自以為不太怪獸」卻還希望兒子科科及格而升班的家長,無論如何也要開始跟他準備。事實上,學校最近的家課已比先前少,甚至有時是沒有功課,看來都是老師希望學生能騰出多點時間準備考試吧!

一天晚上,我跟兒子溫習中文成語,他亦一如平常地不太有興趣溫習,效果又不太顯著。半途之際,我跟他說:「仔,你出力啲讀啦唔該?」

「我咪出緊力囉!」兒子苦惱地低聲說。

「但係我唔係好覺得你好認真喎!」

「爸爸,你記唔記得嗰次你鬧人呀?」兒子忽然笑著跟我講。 Continue reading “【禛森話】「你記唔記得你嗰次為左我大鬧XYZ(某長輩)呀!」   “

【禛森話】「感謝天父畀我有咁開心嘅一天!」

作者:鍾樹森牧師

感謝天父.png

某星期天晚上睡前禱告,兒子開始領禱:「感謝天父畀我有咁開心嘅一天⋯⋯

我聽到他以這句開始,忽然之間覺得難以忍耐道:「喂!你祈禱有無得再(康字上去聲)啲呀?有邊一晚你祈禱唔係攞呢句做開始嘅呢?」

「咁我真係覺得咁嘛!」

「我知你係覺得咁,但你係咪要每一次都係咁開始,跟住又唔係有咩事情要係祈禱時同天父講喎!我真係戥天父覺得聽到悶囉!你有無咩實際啲嘅嘢要同天父講呢?」

「有嫁!」

「有嫁!有你又唔講?」 Continue reading “【禛森話】「感謝天父畀我有咁開心嘅一天!」”

【禛森話】「哈利路亞!莎士比亞!」

作者:鍾樹森牧師

shakespeare拷貝

隨著兒子在學校唸書,除了學科的知識外,學校整體的氛圍都是孕育他成長之處,所以許多家長一直以來都很重視學校的校風。還幸兒子所讀學校的校風一向良好,自己一直亦很是放心。與此同時,兒子的表兄弟妹都跟他在同一學校就讀,所以他們聚首的時候,話題自然常常是在學校的所見所聞。 Continue reading “【禛森話】「哈利路亞!莎士比亞!」”

【禛森話】「自從我七歲開始,你兩個就成日鬧交喇!」

作者:鍾樹森牧師

hlg_argue

2017年1月2日是難得的一個假期,因星期一可以一家三口一起放假是不容易的,我們在早上亦十分優悠地渡過。到了中午的時候,我們仨就決定出外午膳。當我們更換衣服正要出門之際,我看見太太所穿的,心裡覺得配襯得不合適,於是衝口而出道:「喂!你換過件衫啦!上次都有人話你咁樣唔好睇。」 Continue reading “【禛森話】「自從我七歲開始,你兩個就成日鬧交喇!」”

【禛森話】「依家我叫珍珍薯片。」

作者:鍾樹森牧師

1005308_1

有一天晚飯時,兒子突然說:「爸爸,你知唔知依家我個花名係咩?」

「乜你唔係一路叫大笨鐘咩?」我反問他。

「呢個係以前嘅,依家佢哋(同學)又幫我改咗我新名喇!」兒子喜悅地回應我。

「咁依家又改咗做咩?」

「依家我叫珍珍薯片囉!」

「哦!因為你個名有個『禛』,所以就食字叫做『珍珍薯片』,咁你鍾唔鍾意呢個名呢?」 Continue reading “【禛森話】「依家我叫珍珍薯片。」”

Create a free website or blog at WordPress.com.

Up ↑