作者:鍾樹森牧師

maxresdefault (1).jpg

兒子在一月生日,他的堂家姐與表弟也是在一月生,家族有三個小朋友同月生日理應十分高興,奈何在香港學校的校暦安排底下,如無意外,他們現在與未來的生日都會碰上學校期中考試。兒子今年八歲生日前夕是週日,難得一家回父家晚飯,我的弟妹也都帶了孩子回家,飯後匆匆唱過生日歌、切過生日蛋榚,就各自回家準備次日的考試了。

到了該晚兒子睡前祈禱的時候,他左顧右盼地道:「趁住今日生日(其實是生日前夕),我話你知我既理想,就係做Batman或者Green Ninja是旦一個。」

「你要做邊一個?」我對這突擊來不及反應,真以為自己聽錯。

「唔係做一個,係兩個是旦一個。」兒子語氣立即比剛才堅強。

「你係話二選一嘛!咁即係Batman同邊一個?」Batman我曉得,也知Green Ninja是Ninja Go中的一角,但就不太掌握。

「Batman咪呢個囉!你點會唔識呀!Green Ninja咪呢個囉!你成日都見到啦!」他一邊講,一講指著床邊衣櫃的貼紙說明。

「OKOK!兩個我都曉得,但係你點解會想做佢地?」其實我想知為何在生日前夕要跟我講這「理想」。

「唔係嘛!你咁都唔知?Batman係保護尐人嘛!Green Ninja都係保護地球嘛!」兒子理直氣壯地講。

「既然Batman同Green Ninja都保護人,咁兩個有咩唔同?如果一樣的話你唔洗兩個揀一個喎!」

「拿!其實我鍾意做Batman多尐,因為佢係蝙蝠黎嘛!咁就自然夜晚唔洗瞓覺,日頭就唔洗起身,呢樣就啱哂我喇!至於Green Ninja佢都好好打,同埋都保衛地球既。」

兒子的答案明顯地想做Batman多於Green Ninja甚至其他英雄,主要原因就是不用早起,只要知道他每天起床返學的那種艱難就明白,這對他來說也是合情合理的事情。至於Green Ninja為何成為他心頭好之一,我都有點莫名奇妙,因為不單止我,就算是他自己也不多看Ninja Go,真不知為何看上了Green Ninja。有關保衛地球一類的理由,實情大部份動漫英雄都肩負此任務吧!

然而,我心裡仍有一個最大的疑問,就是為何要在這一晚跟我講理想,於是我問道:「其實你點解要係生日嗰日同我講你既理想?特別係要做Batman咁大件事,點解你依家先話比我知呢?」

「……」

「喂!問緊你野呀!又唔答?」

「……」

原來我只不過稍停數分鐘,兒子已經呼呼大睡,如果要做Batman,在晚上如此易睡的話,哪可以做得到呢?

(原題為〈「趁住今日生日,我話你知我既理想,就係做Batman或者Green Ninja是旦一個。」〉。)

鍾樹森牧師
人到中年,當過中學教師、神學院教師,現最常被人叫作牧師,心裡仍最愛當老師,所以最愛梁啟超那句:「獻身願作萬矢的,著述求為百世師」。回到家裡,甚麼師也不比一聲「爸爸」,不過爸爸不易當,有激氣時、有開心時、有疲累時,但爸爸又應該會比牧師、老師當得最入心入肺呢!

Advertisements