有人寫字

作者：鍾樹森牧師

話說某日父子倆洗澡，兒子突然指著我下體問我道：「爸爸，你呢度係咪有精子？」各位父親，若你遇上同一問題，你會如何回答？

本來正在洗刷的我頓時停了下來，擺出一副好整以暇而其實是強裝鎮定的面容答他說：「係呀？我呢度係有精子既，你都好好記性喎！」那刻不單想答得鎮定，還順道稱讚他。

「梗係啦！我有睇《我的小雞雞》嘛！如果唔係我點識問你喎！」兒子的回答才叫好整以暇。

我道：「係喎！你有睇書，所以知道係咩事，睇多啲書真係好好，你得閒就睇多啲其他書啦！例如我比你既Oxford Reading你有無睇呢？」打蛇隨棍上兼另起新話題都是我面對兒子的一些慣常招數。

「我平時都有睇書啦！除左《我的小雞雞》之外，我以前都睇左《小威向前衝》，呢本書係講小威係精子，同人鬥快游喎！」有些時候，兒子要繼續專注在同一話題上，不是隨便可以拉開的。

「你既然知道我身上有精子，咁你知唔知自己有無呀？」既然逃不掉，就唯有好好一齊研究吧！

「我梗係無啦！精子係你地啲大人先有，我仲係小朋友，點會有喎！你咪講笑啦！」兒子答得十分認真，亦反映他跟父母看書時真的有學到東西。

大約在兒子三歲左右，太太已買了《小威向前衝》繪本跟他一起看，初看之時其實不知他有何反映，大致上是似懂非懂吧！到了小一的時候，又再買了《我的小雞雞》。還記得第一次看完《我的小雞雞》，剛巧兒子的表哥來我家，兒子還興高采烈地查問表哥看過此書沒有以示自己進步，誰知道表哥亦早已看過同一本書，結果只能討個沒趣吧了！

書買回來之後通常離不開兩種結局，一種是看過一次就朿之高閣，另一種就是連續被兒子讀上一段日子，直到另一本新寵替代它。上述兩本書的結局有點不同，兒子既不是只看一次，但亦不是在一段日子天天閱讀，反而是三數個月內就會看一看，叫人覺得有點要重溫的味道。

那天洗澡後，父子二人又各忙各的，到晚飯那刻兒子忽然問我道：「你知唔知我點樣會知自己有精子未呢？」

「係呢！你點會知呢？」我對他的問題都感到有點出奇。

「到左我係中學生之後，朝早瞓醒時發現小雞雞濕左，咁我就知囉！」他答得仿似有經驗一般。

「你點知嫁？《我的小雞雞》無講呢樣野喎！」我大致上都記得本書講過甚麼。

「唔係本書講囉！係上次媽咪陪我睇書時教我既！」兒子神氣地回答。

所以，單靠書本並不足夠，陪小孩子一同閱讀才是皇道呢！是不是有點八股？

—

鍾樹森牧師
人到中年，當過中學教師、神學院教師，現最常被人叫作牧師，心裡仍最愛當老師，所以最愛梁啟超那句：「獻身願作萬矢的，著述求為百世師」。回到家裡，甚麼師也不比一聲「爸爸」，不過爸爸不易當，有激氣時、有開心時、有疲累時，但爸爸又應該會比牧師、老師當得最入心入肺呢！